ఇంతకూ పోలియో వ్యాక్సిన్ వేయించాలా? వద్దా?

0
323

🔱🌞
ఇంతకూ పోలియో వ్యాక్సిన్ వేయించాలా? వద్దా?

రేపు 5 సంవత్సరాల లోపు ఉన్న పిల్లలకు పోలియో చుక్కలు ఇవ్వొద్దు.. దాంట్లో వైరస్ కలిసిందనే వార్త వాట్సాప్‌లో ప్రచారం అవుతోంది. మరి ఇంతకూ పోలియో వ్యాక్సిన్ వేయించాలా వద్దా..?

పోలియో బారిన పడకుండా వేసే వ్యాక్సిన్లు టైప్-2 పోలియో వైరస్‌తో కలుషితమయ్యాయి. యూపీలోని ఘజియాబాద్‌లో ఉత్పత్తయిన ఈ వ్యాక్సిన్లు ఉత్తరప్రదేశ్‌తోపాటు తెలంగాణ, మహారాష్ట్రలకు సరఫరా అయ్యాయి. దీంతో ఆదివారం పల్స్ పోలియో చుక్కలు వేయించాలా? వద్దా అని చాలా మంది చిన్నారుల తల్లిదండ్రులు డైలమాలో పడిపోయారు. ‘రేపు 5 సంవత్సరాల లోపు ఉన్న పిల్లలకు పోలియో చుక్కలు ఇవ్వొద్దు.. దాంట్లో వైరస్ కలిసిందంటూ.. వ్యాక్సిన్‌ను తయారు చేసిన కంపెనీ యజమానిని అరెస్ట్ చేశారు.. దయచేసి ఈ విషయాన్ని అందరికీ చెప్పండ’ని ఓ వార్త వాట్సప్‌లో షేర్ అవుతోంది.

కానీ మీ చిన్నారులకు నిరభ్యంతరంగా పోలియో చుక్కలు వేయించొచ్చు. బయోమెడ్ సంస్థ తయారు చేసిన వ్యాక్సిన్లను కేంద్రం వెనక్కి రప్పించింది. దీంతో ఎలాంటి అనుమానాల్లేకుండా పల్స్ పోలియో డ్రాప్స్ వేయించాలని ప్రభుత్వం చిన్నారుల తల్లిదండ్రులను కోరింది. ప్రపంచ ఆరోగ్య సంస్థ కూడా వ్యాక్సినేషన్ వల్ల ఎలాంటి ప్రమాదం లేదని తెలిపింది.

వాస్తవానికి మన దేశం ఏడేళ్ల కిందటే పోలియో ఫ్రీగా అవతరించింది. కానీ పొరుగు దేశాల్లో పోలియో కేసులు నమోదవుతున్నాయి. దీంతో ఆ దేశాల నుంచి వ్యాధికారక వైరస్ మన దేశంలో అడుగుపెట్టే అవకాశం ఉండటంతో.. పోలియో చుక్కల్ని చిన్నారులకు వేయిస్తున్నారు.

యూనివర్సల్ ఇమ్యూనైజేషన్ ప్రోగ్రాంలో భాగంగా.. భారత ప్రభుత్వం బైవాలెంట్ ఓరల్ పోలియో వ్యాక్సిన్‌తోపాటు ఇన్‌యాక్టివేటెడ్ పోలియో వ్యాక్సిన్‌ (ఐపీవీ)ను కూడా అందుబాటులో ఉంచుతోంది. అంటే పోలియో రాకుండా డబుల్ డోస్‌ను అందిస్తోంది. ఐపీవీ వల్ల ఎలాంటి ఇన్ఫెక్షన్ల ముప్పు ఉండదు. నోట్లో వేసే చుక్కలు కలుషితమైనా.. వైరస్ సోకే ముప్పు 7.5 లక్షల కేసుల్లో ఒక్కటే ఉంటుంది.

‘మీ పిల్లలు జ్వరం, జలుబుతో బాధపడుతున్నప్పుడు.. ఏదైనా ఇన్ఫెక్షన్ బారిన పడినప్పుడు మాత్రమే వ్యాక్సినేషన్ ఇవ్వొద్దు. సాధారణ సందర్భాల్లో వ్యాక్సిన్ ఇచ్చే ముందు ఓసారి తయారీ తేదీ చూడండి. వ్యాక్సిన్ గురించి చదువుకోండి. సాధ్యం కాని పక్షంలో వ్యాక్సిన్ ఇస్తోన్న సిబ్బందికి మీ అభ్యంతరాలను వివరించండ’ని డాక్టర్లు చెబుతున్నారు.
🔚

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.