వంకాయ కాల్చి పెరుగు పచ్చడి

0
184

వంకాయ కాల్చి పెరుగు పచ్చడి .

తయారీ విధానము .

మూడు గుండ్రని వంకాయలు పుచ్చులు లేకుండా చూసుకుని వాటిపై నూనె రాసుకుని స్టౌ మీద సిమ్ సెగలో అన్ని వైపులా కాల్చుకోవాలి .

చల్లారగానే తడి చేయి చేసుకుని వాటిపై పొట్టు తీసుకుని వేరే ప్లేటులో విడిగా ఉంచుకోవాలి .

ఒక గిన్నెలో అర లీటరు పెరుగు వేసుకుని నాలుగు పచ్చి మిరపకాయలు ముక్కలుగా తరిగి పెరుగులో వేసుకోవాలి .

ఒక కట్ట కొత్తిమీర తరుగుకుని అందులో వేసుకోవాలి .

కొద్దిగా పసుపు మరియు సరిపడా ఉప్పు పెరుగులో వేసుకోవాలి .

ఇప్పుడు కాల్చి తొక్కు తీసి విడిగా ఉంచుకున్న వంకాయలు కూడా వేసుకుని చేతితో పెరుగులో బాగా కలుపుకోవాలి .

ఇప్పుడు స్టౌ మీద పోపు గరిటె పెట్టుకుని మూడు స్పూన్లు నెయ్యి వేసుకుని , నెయ్యి బాగా కాగగానే మూడు ఎండుమిర్చి ముక్కలుగా చేసుకుని , స్పూను మినపప్పు , పావు స్పూను జీలకర్ర , అర స్పూను ఆవాలు , కొద్దిగా ఇంగువ మరియు కరివేపాకు వేసి పోపు పెట్టుకుని గరిటతో బాగా కలుపుకోవాలి ,

అంతే ఎంతో రుచిగా ఉండే వంకాయ పెరుగు పచ్చడి భోజనము లోకి సిద్ధం.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.